Bonie laddie, Highland laddie

I HAE been at Crookieden,
My bonie laddie, Highland laddie,
Viewing Willie and his men,
My bonie laddie, Highland laddie.----
There our foes that brunt and slew,
My bonie laddie, Highland laddie,
There, at last, they gat their due,
My bonie laddie, Highland laddie.----

Satan sits in his black neuk,
My bonie &c.
Breaking sticks to roast the Duke,
My bonie &c.
The bloody monster gae a yell,
My bonie &c.
And loud the laugh gied round a' hell
My bonie &c.