Can ye labor lea——–

Chorus
O CAN ye labor lea, young man,
O can ye labor lea;
Gae back the gate ye came again,
Ye ‘se never scorn me.--------

I fee'd a man at martinmass,
Wi' airle-pennies three;
But a' the faut I had to him,
He could na labor lea,
O can ye &c.

O clappin's gude in Febarwar,
An' kissin 's sweet in May;
But what signifies a young man’s love,
An ‘t dinna last for ay.--------
O can ye &c.

O kissin is the key o' luve,
And clappin' is the lock,
An' makin-of ‘s the best thing yet,
That e'er a young Thing got.
O can ye &c.