COMIN thro' the rye, poor body,
Comin thro' the rye,
She draigl't a' her petticoatie,
Comin thro' the rye.
Oh Jenny 's a' weet, poor body,
Jenny 's seldom dry:
She draigl't a' her petticoatie
Comin thro' the rye!

Gin a body meet a body
Comin thro' the rye,
Gin a body kiss a body
Need a body cry.
Chos. Oh Jenny 's a' weet,

Gin a body meet a body
Comin thro' the glen;
Gin a body kiss a body,
Need the warld ken!
Chos. Oh Jenny 's a' weet,