THE night it was a haly night,
The day had been a haly day;
Kilmarnock gleam’d wi candle light,
As Girzie homeward took her way.
A man o’ sin, ill may he thrive!
And never haly-meeting see,
Wi’ godly Girzie met believe,
Amang the Craigie hills sae hie.

The chiel’ was wight, the chiel’ was stark,
He wad na wait to chap nor ca’,
And she was faint wi’ haly wark,
She had na pith to say him na.
But ay she glowr’d up to the moon,
And ay she sigh’d most piouslie;
“I trust my heart ‘s in heaven aboon,
Whare’er your sinfu’ pintle be.”