Gudeen to you Kimmer

1.
GUDEEN to you, kimmer
And how do ye do?
Hiccup, quo' kimmer,
The better that I 'm fou.

Chorus
We're a' noddin, nid nid noddin,
We're a' noddin at our house at hame,
We're a' noddin, nid nid noddin,
We're a' noddin at our house at hame,

Kate sits i' the neuk,
Suppin hen-broo;
Deil tak Kate
An she be na noddin too!
We're a' noddin &c.

How 's a' wi' you, kimmer,
And how do ye fare?
A pint o' the best o't,
And twa pints mair.
We're a' noddin &c.

How 's a' wi' you, kimmer,
And how do you thrive;
How monie bairns hae ye?
Quo' kimmer, I hae five.
We're a' noddin &c.

Are they a' Johny's?
Eh! atweel no:
Twa o' them were gotten
When Johny was awa.
We're a' noddin &c.

Cats like milk,
And dogs like broo;
Lads like lasses weel,
And lasses lads too.
We're a' noddin &c.