Hey Ca’ thro’

UP wi' the carls of Dysart,
And the lads o' Buckhiven,
And the Kimmers o' Largo,
And the lasses o' Leven.
Hey ca' thro' ca' thro',
For we hae mickle ado.
Hey ca' thro' ca' thro',
For we hae mickle ado;

We hae tales to tell,
And we hae sangs to sing;
We hae pennies tae spend,
And we hae pints to bring.
Hey ca' thro' &c.

We'll live a' our days,
And them that comes behin',
Let them do the like,
And spend the gear they win.
Hey ca' thro' &c.