My Love she ‘s but a lassie yet——–

MY love she 's but a lassie yet,
MY love she 's but a lassie yet;
We'll let her stand a year or twa,
She'll no be half sae saucy yet.--------

I rue the day I sought her O,
I rue the day I sought her O,
Wha gets her needs na say he 's woo'd,
But he may say he 's bought her, O.---

Come draw a drap o' the best o't yet,
Come draw a drap o' the best o't yet:
Gae seek for Pleasure whare you will,
But here I never miss't it yet.---

We're a' dry wi' drinkin o't,
We're a' dry wi' drinkin o't:
The minister kisst the fidler's wife,
He could na preach for thinkin o't.----