O gude ale comes &c.

O GUDE ale comes and gude ale goes,
Gude ale gars me sell my hose,
Sell my hose, and pawn my shoon,
Gude ale keeps my heart aboon!

I had sax owsen in a pleugh,
And they drew a' weel enough,
I sald them a', ane by ane,
Gude ale keeps the heart aboon!

I had forty shillin in a clout,
Gude yill gart me pyke them out;
That gear should moul I thought a sin,
Gude yill leeps my heart aboon.------
Gude yill &c.

The meikle pot upon my back,
Unto the yill-house I did pack;
It melted a’ wi’ the heat o’ the moon,
Gude yill leeps my heart aboon.------
Gude yill &c.

Gude ale hauds me bare and busy,
Gars me moop wi' the servant hizzie,
Stand i' the stool when I hae done,
Gude ale keeps the heart aboon!

I wish their fa’ may be a gallows,
Winna gie gude yill to gude fellows
And keep a soup till the afternoon,
Gude yill leeps my heart aboon.------

O gude ale comes and gude ale goes,
Gude ale gars me sell my hose;
Sell my hose, and pawn my shoon,
Gude ale keeps my heart aboon.