O that I had ne’er been Married

O THAT I had ne'er been married,
I wad never had nae care,
Now I've gotten wife and bairns
An' they cry crowdie ever mair.
Ance crowdie, twice crowdie,
Three times crowdie in a day;
Gin ye crowdie ony mair,
Ye'll crowdie a' my meal away.

Waefu' Want and Hunger fley me,
Glowrin' by the hallan en';
Sair I fecht them at the door,
But ay I'm eerie they come ben.
Ance crowdie &c.