Robin shure in hairst

Chorus
ROBIN shure in hairst,
I shure wi' him;
Fient a heuk had I,
Yet I stack by him.

Song
I gaed up to Dunse,
To warp a wab o' plaiden;
At his daddie's yet,
Wha met me but Robin.
Robin shure &c.

Was na Robin bauld,
Tho' I was a cotter,
Play'd me sic a trick
And me the Eller's dochter?
Robin shure &c.

Robin promis'd me
A' my winter vittle;
Fient haet he had but three
Goos feathers and a whittle.
Robin shure &c.