Poems by Robert Burns

Presented by the RBWF

Eppie McNab —-

O SAW ye my dearie, my Eppie Mcnab?
O saw ye my dearie, my Eppie Mcnab?
She 's down in the yard, she's kissin the Laird,
She winna come hame to her ain Jock Rab.---

O come thy ways to me, my Eppie Mcnab;
O come thy ways to me, my Eppie Mcnab;
What-e'er thou hast done, be it late, be it soon,
Thou 's welcome again to thy ain Jock Rab.---

What says she, my dearie, my Eppie Mcnab?
What says she, my dearie, my Eppie Mcnab?
She let's thee to wit, that she has thee forgot,
And for ever disowns thee, her ain Jock Rab.------

O had I ne'er seen thee, my Eppie Mcnab!
O had I ne'er seen thee, my Eppie Mcnab!
As light as the air, and as fause as thou 's fair,
Thou 's broken the heart o' thy ain Jock Rab.