The auld man’s mare ‘s dead———-

SHE was cut-luggit, painch-lippit,
Steel-waimit, stauncher-fittit,
Chanler-chafit, lang-neckit,
Yet the brute did die.----------

Chorus
The auld man’s mare ‘s dead,
The poor man’s mare ’s dead,
The auld man’s mare ‘s dead,
A mile aboon Dundee.----------

Her lunzie-banes were knags and neuks,
She had the cleeks, the cauld, the crooks,
The jawpish and the wanton yeuks,
And the howks aboon her e’e.----------
The auld &c.

My Master rade me to the town,
He ty’d me to a staincher round,
He took a chappin till himsel,
But fient a drap gae me.

The auld man’s mare ‘s dead,
The poor man’s mare ’s dead,
The peats and tours and a’ to lead
And yet the bitch did die.