The Taylor——

THE Taylor he cam here to sew,
And weel he kend the way to woo,
For ay he pree'd the lassie's mou'
As he gaed but and ben O.

Chorus
For weel he kend the way O
The way O, the way O,
For weel he kend the way O
The lassie's heart to win O.----

The Taylor rase and shook his duds,
The flaes they flew awa in cluds,
And them that stay'd gat fearfu' thuds,
The Taylor prov'd a man O.----

Chorus
For now it was the gloamin,
The gloamin, the gloaming,
For now it was the gloamin
When a' the rest are gaun O.----------