When she cam ben she bobbed

O WHEN she cam ben she bobbed fu' law,
O when she cam ben she bobbed fu' law;
And when she cam ben, she kiss'd Cockpen,
And syne she deny'd she did it at a'.--------

And was na Cockpen right saucy witha',
And was na Cockpen right saucy witha',
In leaving the dochter of a lord,
And kissin a Collier-lassie an' a'.--------

O never look down, my lassie, at a',
O never look down, my lassie, at a';
Thy lips are as sweet and thy figure compleat,
As the finest dame in castle or ha'.------

Tho' thou hast nae silk and holland sae sma,
Tho' thou hast nae silk and holland sae sma,
Thy coat and thy sark are thy ain handywark
And Lady Jean was never sae braw.--------